“Sumqayıt”ın baş məşqçisi Samir Abasov Azərbaycan Premyer Liqasının 21-ci turu çərçivəsində “Neftçi”yə qarşı keçirdikləri oyundan sonra fikirlərini paylaşıb.
Manset.az xəbər verir ki, o, 2:1 hesablı qələbə qazandıqları görüşü belə şərh edib:
"Bugünkü qələbəyə görə mən klubda söz deyəcək axırıncı adamam. Məndən olsaydı, futbolçularımın hamısının konfransda olmasını istərdim. Onlar bu gün qələbə üçün hər şeyi etdilər. Həm "Sumqayıt", həm də "Neftçi" azarkeşlərinə təşəkkür edirəm. Oyun ritmini saxladılar. Azarkeşlərə səslənirəm. Əvvəl deyirdiz ki, oyun olsun, biz də gələk. İndi oyun da var, nəticə də. Dəstək sizdən, nəticə bizdən".
