2023-cü ildə yeni doğulan uşaqlara daha çox əcnəbi mənşəli adların verilib: Jasmin, Sofiya, Adelina, Melisa və s.
Manset.az bizim.media-ya istinadla xəbər verir ki, deputat Aqil Abbas bunun səbəbini xarici seriallarda görür:
"Valideynlər seriallara baxırlar, hansısa qəhrəman xoşlarına gəlirsə, onun adını uşaqlarına qoyurlar. Allah serial çıxarana lənət eləsin! Hər bir halda uşağa milli türk adları qoyulmalıdır. Təbii ki, inzibati qaydada valideynlərə təsir etmək mümkün deyil, yalnız maarifləndirmək lazımdır.
Məsələn, mən uşağımın adını Yevdakida qoymaq istəyirəmsə, buna kim mane ola bilər?! Hər kəs ad seçməkdə azaddır. Sadəcə olaraq istəməzdik ki, belə olsun".
