Tanınmış türk xalq musiqisi ifaçısı Mehmet Erenler 79 yaşında dünyasını dəyişib.
Manset.az xəbər verir ki, bir müddət mədəaltı vəzi xərçəngi ilə mübarizə aparan sənətçi İstanbul Bahçelievler Dövlət Xəstəxanasında orqan çatışmazlığından vəfat edib.
Erenler “Karpuz Kestim Yiyen Yok”, “Değmen Benim Gamlı Yaslı Gönlümə” və “Bir Çift Turna Gördüm” kimi unudulmaz xalq mahnılarının ifaçısı kimi tanınırdı.
1946-cı ildə Ankarada anadan olan sənətçi uzun illər TRT-də çalışıb, bir çox albom buraxıb və xalq musiqisinin təbliğinə mühüm töhfələr verib.
