“Yuventus” Serie A mövsümünə İqor Tudorun rəhbərliyi ilə möhtəşəm start verib. “Parma”nı 2:0 hesabı ilə məğlub edən komanda taktiki baxımdan yaxşı təsir bağışlayıb. Hücumda Conatan David, Duşan Vlahoviç və Kənan Yıldızın performansı diqqət çəkib.
Manset.az xarici mediaya istinadən xəbər verir ki, klub yay transfer pəncərəsində “Paris Saint-Germain”dən Randal Kolo Muanini icarə əsasında almağa yaxındır. Transferin dəyəri təxminən 60 milyon avrodur və satın alma öhdəliyi ilə həyata keçiriləcək.
Futbol mütəxəssisi Gianluca Di Marzio-nun məlumatına görə, tərəflər arasında razılıq tezliklə açıqlanacaq. Bu transfer “Yuventus”un liqa və Çempionlar Liqasında mübarizəsini gücləndirəcək.
