İzmirdə tarlada uşaq əl qumbarası tapıb.
Manset.az Türkiyə mediasına istinadən xəbər verir ki, ötən gün İ.A. adlı şəxs tarlasını şumlayarkən 10 yaşlı oğlu yerin altından əl qumbarası tapıb.
Uşaq həmin gün səhər saatlarında bombanı atası İ.A.-nın Cəlal Bayar bulvarındakı təkər mağazasına gətirib. Mağazada olan İ.A. əşyanın əl qumbarası olduğunu anlayaraq polisə xəbər verib.
Hadisə yerinə gələn polis qrupları ətrafda təhlükəsizlik tədbirləri görüb.
Bomba məhv mütəxəssisi qrupları əl qumbarasını araşdırıb məhv etmək üçün polis bölməsinə aparıb.
