ABŞ prezidenti Donald Tramp Asiya turunu davam etdirərkən, keçmiş müşaviri Tramp və Şimali Koreya lideri Kim Çen In arasında gözlənilməz görüş ola biləcəyini söylədi.
Manset.az xarici mediaya istinadən xəbər verir ki, ABŞ Prezidenti Donald Trampın milli təhlükəsizlik üzrə keçmiş müşavirinin müavini KT Makfarland Newsmax-a deyib: "Donald Trampla bağlı hər zaman gözlənilməzlik gözləməliyik. Hazırda planlaşdırılan görüşlər yoxdur, lakin bu, hər an baş verə bilər".
Makfarland Trampın ilk prezidentliyi dövründə Kim Çen In ilə keçirdiyi görüşü xatırladaraq, "Bu görüş olduqca uğurlu keçdi. Şimali Koreya o vaxt nüvə və raket sınaqlarını dayandırmışdı. Tramp həmin görüş sayəsində Şimali Koreyalıların etimadını qazandı" - deyə sözlərinə əlavə edib.
Cənub-Şərqi Asiya Ölkələri Assosiasiyasının (ASEAN) sammitində iştirak edib və Kamboca ilə Tailand arasında sülh sazişinin imzalanmasına vasitəçilik etdiyini açıqlayıb. Beş günlük Asiya turu çərçivəsində Yaponiya və Cənubi Koreyaya da səfər edəcək Tramp, səfərin sonunda Çin prezidenti Xi Jinping ilə görüşərək davam edən ticarət müharibəsini aradan qaldırmağa çalışacaq.
