Onların sevgisi bir zamanlar nağıl kimi danışılır, yanaşı şəkilləri yayımlandıqca pərəstişkarları onlara gözlərini heç çəkmədən baxardılar. Sevgiləri nə qədər böyükdürsə, nifrətləri də eyni ölçüdə böyük oldu. Üstəlik, ayrılıqlarından 8 ildən çox zaman keçsə də, hələ də davam edən davalarına görə bir-birlərindən "qurtula" bilməyiblər.
Manset.az xarici mediaya istinadən xəbər verir ki, son məlumatlara görə, bu bitməyən münaqişədə son zərbəni vuran və hələlik qalib kimi görünən şəxs Brad Pittdir. Çünki məhkəmənin verdiyi qərara əsasən, Angelina Jolie özəl elektron poçtlarını və mesajlarını açıqlamağa məcbur olacaq. Birgə çəkildikləri "Mr. & Mrs. Smith" filminin setində, 2004-cü ildə başlayan və dillər əzbəri olan sevgiləri, birgə 6 uşaq böyüdüb və nəticədə 2014-cü ildə evləniblər. Lakin 2016-cı ildə yollarını ayırıb və o vaxtdan sonra deyərsən ki, bir-birlərinin düşməni olmuşdular.
Cütlüyün illərlə davam edən boşanma, uşaq mülkiyyəti və əmlak paylaşımı məhkəmələri nəticədə keçən il sona çatmışdı. Lakin, birlikdə düyünlərini kəsdikləri və ortaq şəkildə sahib olduqları Fransadakı məşhur qalalar və üzüm bağlarından ibarət olan Chateau Miraval mülkü ilə bağlı dava hələ də davam edir. Brad Pitt, bu davada keçmiş həyat yoldaşı Angelina Jolie-ni deyəsən ki, sıxışdırıb. İndi isə, işi aparan hakim Jolie-yə telefon və kompüterindəki bütün şəxsi yazışmalarını məhkəməyə təqdim etməsi barədə əmr verib.
Bu, Angelina Jolie-nin mövqeyini zəiflədərək, etdiyi bütün şəxsi yazışmaların açığa çıxmasına səbəb olacaq. Böyük ehtimalla, bu addım ona Brad Pitt ilə apardığı hüquqi mübarizəni uduzduracaq.
