İranın Xarici İşlər Naziri Abbas Əraqçi Hörmüz Boğazı vasitəsilə ticarət gəmilərinin keçişinə icazə verildiyini açıqlayıb.
Manset.az xarici mediaya istinadən xəbər verir ki, Əraqçi sosial media hesabında etdiyi paylaşımda Livandakı atəşkəsə uyğun olaraq Hörmüz Boğazından ticarət gəmilərinin keçişinə icazə verildiyini bildirib.
O, paylaşımında belə deyib: "Livandakı atəşkəs çərçivəsində İran İslam Respublikası Limanlar və Dənizçilik Təşkilatının daha əvvəl elan etdiyi koordinatlaşdırılmış marşrut üzrə atəşkəsin qalan müddəti ərzində bütün ticarət gəmilərinin Hörmüz Boğazından keçməsinə tamamilə icazə verilmişdir".
