İran Xarici İşlər Nazirliyi Böyük Britaniya hökumətinin RAF Fairford hərbi hava bazasına qarşı ehtimal olunan hücum planı ilə bağlı Tehranı günahlandırmasına sərt reaksiya verib.
Manset.az xarici mediaya istinadən xəbər verir ki, nazirliyin açıqlamasında “Britaniya rəsmilərinin ölkədə baş verdiyi iddia olunan təhlükəsizlik hadisəsini İranla əlaqələndirmək cəhdini qətiyyətlə pisləyirik” deyə bildirilib.
İran Xarici İşlər Nazirliyinin yazılı açıqlamasında deyilir:
“Britaniya rəsmilərinin Böyük Britaniyada baş verdiyi iddia olunan təhlükəsizlik hadisəsini İranla əlaqələndirmək cəhdini qətiyyətlə pisləyirik. Biz bunu Böyük Britaniyanın İrana qarşı kampaniyasını davam etdirmək və İran xalqına qarşı ABŞ-İsrail hərbi təcavüzündəki şərikliyinə görə məsuliyyətdən yayınmaq məqsədilə qurduğu çirkin bir plan hesab edirik”.
