"Qalatasaray"da Osimhenin ardından bir zədələnmə daha baş verib.
Manset.az Türkiyə mediasına istinadən xəbər verir ki, Braziliya Milli Komandasının üzvü olan Gabriel Sara ayaq biləyindən zədələnib. Onun son vəziyyətinin bu gün keçiriləcək yoxlamalardan sonra bəlli olacağı açıqlanıb.
"Qalatasaray" klubu verdiyi açıqlamada, "Braziliya Milli Komandasının sol ayaq biləyində zədə yaşadığı üçün bu gün səhər saatlarında İstanbula qayıdan futbolçumuz Gabriel Saranın vəziyyəti, gün ərzində ediləcək yoxlamalar sonrası dəqiqləşəcək" - ifadələrini istifadə edib.
Qeyd edək ki, bu mövsüm sarı-qırmızı formanı geyinən Gabriel Sara 39 matçda iştirak edərək 6 qol və 3 asistlə komandasına töhfə verib.
