"Fənərbağça" Prezidenti Sadəddin Saran 6-7 iyun tarixlərində Fövqəladə Seçimli Ümumi Yığıncağın keçiriləcəyini açıqlayıb.
Manset.az Türkiyə mediasına istinadən xəbər verir ki, "Fənərbağça" Prezidentinin rəsmi sosial media hesabı üzərindən verdiyi açıqlamada Sadəddin Saran bu sözləri söyləyib:
""Fənərbağça"mızın hər bir üzvünə, bu nişan üçün ürəyi döyünən cəmiyyətimizə, bugün sizlərə yalnız prezident olaraq deyil, bu cəmiyyətin bir övladı olaraq müraciət edirəm. Vəzifəyə başladığımız gün, "Nə səbr, nə də vaxt" deyərək yola çıxdıq. Çünki bu cəmiyyətin artıq gözləməyə deyil, ayağa qalxmağa ehtiyacı olduğunu bilirdik. Seçimin əlverişsiz bir tarixdə keçirilməsinə baxmayaraq, əlimizi daşın altına qoymaqdan heç bir an çəkinmədik".
