İyunun 3-də Azərbaycan Respublikasının Baş naziri Əli Əsədov Belarusa işgüzar səfəri çərçivəsində Minskdə “Belagro 2024” Beynəlxalq ixtisaslaşdırılmış sərgisini ziyarət edib.
Nazirlər Kabinetinin mətbuat xidmətindən Manset.az-a bildiriblər ki, Ə.Əsədov və Avrasiya İqtisadi İttifaqına üzv dövlətlərin hökumət başçıları geniş çeşidli aqrosənaye məhsullarının, kənd təsərrüfatı texnikası və avadanlıqlarının müasir nümunələrinin, bitkiçilik, heyvandarlıq və quşçuluğun inkişafında qabaqcıl istiqamətlərin nümayiş etdirildiyi sərgi ilə tanış olublar.
