Bakının mərkəzində üç bina sökülür.
Manset.az Qafqazinfo-ya istinadən xəbər verir ki, söhbət Nəsimi rayonu, Xaqani küçəsi, 54 və Üzeyir Hacıbəyov küçəsi, 51 ünvanlarında yerləşən beşmərtəbəli və Kövkəb Səfərəliyeva küçəsi, 2 ünvanında yerləşən çoxmərtəbəli binadan gedir.
Bir-birinə yaxın yerləşən bu binaların sakinləri artıq oradan köçürülüb. Hazırda söküntünün aktiv mərhələsinə hazırlıq işləri görülür.
Əldə etdiyimiz digər məlumata görə, sökülən binaların yerində tikinti şirkətlərindən biri tərəfindən daha böyük kompleks inşa ediləcək.
