Baş, diş və əzələ ağrılarına qarşı tez-tez istifadə olunan ağrıkəsicilərin gündəlik qəbulu ciddi sağlamlıq riskləri yarada bilər.
Manset.az-ın xarici mediaya istinadən məlumatına görə, bu dərmanların davamlı istifadəsi mədə qanaması, böyrək və qaraciyər funksiyalarının pozulması, həmçinin asılılığa səbəb olur.
Həkimlər bildirirlər ki, ağrının səbəbi müəyyən edilmədən uzun müddət dərman qəbulu əsas xəstəliyin aşkarlanmasını gecikdirir. Yalnız mütəxəssis məsləhəti ilə və zərurət olduqda ağrıkəsicidən istifadə etməyi tövsiyə edirlər.
Tez-tez təkrarlanan ağrılar olduğu təqdirdə ağrıkəsicilərə yox, həkimə müraciət etmək mütləqdir.
