32 ildən sonra ilk dəfə bu gün Bakıdan yola çıxan qatar Ağdama çatıb.
Manset.az xəbər verir ki, səfər “Azərbaycan Dəmir Yolları” QSC-nin təşkilatçılığı ilə həyata keçirilib.
Qatarda Ağdamın bir sıra tanınmış ictimaiyyət nümayəndələri, media mənsubları və qonaqlar yer alıb.
Xatırladaq ki, Ağdama sonuncu qatar işğaldan öncə 1993-cü ildə yola düşüb.
***
09:01
"Azərbaycan Dəmir Yolları" QSC (ADY) bu gün Ağdama qatarla səfərlərə start verib.
Manset.az xəbər verir ki, Ağdama ilk dəfə müasir qatarlarla müntəzəm reyslərə başlanılıb. Biletlər bir neçə gün əvvəl satışa çıxarılıb.
Qatar hər şənbə günü Bakıdan Ağdama və Ağdamdan Bakıya yola düşəcək.
