Yod istənilən yaşda orqanizmin düzgün və ahəngdar fəaliyyəti üçün həyati əhəmiyyət daşıyan son dərəcə vacib mikroelementdir.
Manset.az Lent.az-a istinadən yodla bağlı məlumatları təqdim edir:
Bir çox meyvələr yod ehtiva edir
Yod insan üçün ömür boyu zəruridir və onun çatışmazlığı ciddi fəsadlara səbəb ola bilər. Yod qalxanabənzər vəzin hormonlarının sintezi üçün lazımdır. Bu hormonlar orqanizmdə enerjinin istehsalı və paylanmasına, bədən temperaturunun tənzimlənməsinə kömək edir. Bu hormonlar xüsusilə hamiləlik dövründə olduqca vacibdir, çünki dölün sinir sisteminin düzgün formalaşmasında mühüm rol oynayır. Uşaqlıq dövründə isə normal böyümə və inkişafı təmin edir.
Gündəlik yod tələbatı nə qədərdir
Yodun gündəlik tələbatı çox yüksək olmasa da, ona diqqət yetirmək mütləqdir:
böyüklər üçün 150 mkq
hamiləlik və ana südü ilə qidalanma dövründə 350 mkq
Yod çatışmazlığının qarşısının alınmasında ən effektiv üsullardan biri yodlaşdırılmış duzdan istifadə etməkdir. Bu yolla orqanizm hər gün təhlükəsiz şəkildə lazımi miqdarda yod ala bilər.
Eyni zamanda rasionu yodla zəngin olan məhsullarla da genişləndirmək tövsiyə olunur:
dəniz məhsulları (midyə, kalmar, krevet, kürü)
ağ balıq növləri (mintay, heyk, treska və s.)
dəniz kələmi (laminariya)
tərəvəzlər (kartof, turp, sarımsaq, çuğundur, pomidor, badımcan, qulançar, yaşıl soğan, turşəng, ispanaq)
meyvələr (banan, portağal, limon, yemiş, ananas, xurma, feyxoa)
yumurta
süd
mal əti
qoz
Yod çatışmazlığından şübhələndikdə mütləq həkimə müraciət etmək lazımdır. Mütəxəssis orqanizmdə mikroelementin səviyyəsini müəyyən etməyə, xoşagəlməz simptomların səbəbini aşkar etməyə və onlardan təhlükəsiz şəkildə xilas olmağa kömək edəcək.
