Keyfiyyətli diş məcununun tərkibində flüor olmalıdır.
Manset.az Ölkə.az-a istinadən xəbər verir ki, bu barədə diş həkimi Joao Pisinini düzgün diş məcunu olmadan ağız sağlamlığının mümkün olmadığını bildirərkən deyib.
Onun sözlərinə görə, keyfiyyətli diş məcunu tərkibində ən azı 1100 ppm konsentrasiyasında flüor olmalıdır: "Bu komponent diş minasını möhkəmləndirir və çürümələrin qarşısını alır".
Eyni zamanda, həkim insanları aktivləşdirilmiş kömür tərkibli diş məcunlarından uzaq durmağa çağırıb. Elmi tədqiqatlar onların ağartmada effektivliyini təsdiqləməyib, lakin onlar minaya zərər verə bilər.
Həkim əlavə edib ki, aşağı və ya yüksək temperatura məruz qaldıqda ağrı və narahatlıq yaşayan insanlar həssas dişlər üçün uyğun olduğu xüsusi olaraq etiketlənmiş diş məcunu seçməlidirlər.
