50 yaşdan sonra insan həyata fərqli baxmağa başlayır, zamanın dəyərini daha yaxşı anlayır və hər qərarın əsl ağırlığını hiss edir. Əvvəllər vacib görünən bir çox şey mənasını itirir, daxili sakitlik isə ön plana keçir. Məhz bu dövrdə müdrik insanların sadə, amma dərin məsləhətləri olur.
Manset.az Lent.az-a istinadən xəbər verir ki, ən vacib imtina edilməli şey keçmişə görə daimi peşmanlıq hissidir. Məhz bu hiss insanın enerjisini alır, gücünü tükəndirir və indiki anı yaşamağa imkan vermir.
İnsan eyni vəziyyətləri dəfələrlə düşünür, “kaş belə edərdim” deyir, amma bu, yalnız daxili vəziyyəti ağırlaşdırır. Bu yaşdan sonra insan öz həyat təcrübəsini olduğu kimi qəbul etməyi öyrənməlidir. Keçmiş artıq tamamlanmış bir mərhələdir və peşman olmaq əvəzinə onu müdriklik mənbəyi kimi istifadə etmək daha doğrudur.
Omar Xayyam nə deyirdi?
Müdrik şair həyatın “burada və indi” yaşanmalı olduğunu dəfələrlə vurğulayıb. Onun məşhur dördlüyündə belə deyilir:
“Dünən keçdi artıq geri qayıtmaz,
Sabah isə hələ gəlməyib narahat olmağa dəyməz.
Bu günü yaşa, nə peşman ol, nə də qorx - Çünki xoşbəxtliyin əsası yalnız indiki andadır".
Bu sözlər bizə xatırladır ki, həqiqi rahatlıq insan keçmişi buraxdıqda və bu günü qiymətləndirməyə başladıqda gəlir.
Həqiqi xoşbəxtlik necə yaranır?
İnsan peşmanlığı buraxdıqda daxildən yüngülləşir. Gərginlik azalır, sadə şeylərdən daha çox zövq almağa başlayır. Ünsiyyət, təbiət, şəxsi zaman daha qiymətli olur. Keçmişi analiz etmək əvəzinə indiki həyata fokuslanmaq daha faydalıdır:
Sevdiyiniz işlərlə məşğul olun, daha çox hərəkət edin, yaxınlarınızla vaxt keçirin.
Məhz bu yanaşma bir çoxlarının “əsl xoşbəxtlik” adlandırdığı hissi yaradır.
