Türkiyənin Orta Doğu Texniki Universiteti (ODTÜ), İstanbul Texniki Universiteti (İTÜ) və Hacettepe Universitetinin tədris proqramları əsasında, Azərbaycan Texniki Universitetinin (AzTU) tərəfdaşlığı ilə fəaliyyət göstərən Türkiyə-Azərbaycan Universiteti tələbələrə beynəlxalq akademik təcrübə və müasir təhsil imkanları təqdim edir.
Manset.az xəbər verir ki, universitetdə tədris ingilis dilində aparılır. Tələbələr iki fərqli diplom əldə etmək, müasir laboratoriyalardan yararlanmaq, beynəlxalq akademik mühitdə təhsil almaq və real sənaye təcrübəsi qazanmaq imkanına malikdir.
Türkiyə-Azərbaycan Universitetində müxtəlif universitetlərin akademik təcrübəsi vahid təhsil mühitində birləşdirilir. Bu model tələbələr üçün beynəlxalq karyera imkanlarına çıxış yaratmağı hədəfləyir.
