Qafqazın
ilk tam inteqrasiya olunmuş rəqəmsal ekosistemi olan Bir 1000-dən çox gənci Azərbaycanın
ilk tələbə-texnologiya festivalı - “Spark ’26”da bir araya gətirib. Festivalda texnologiya, data və süni
intellekt istiqamətləri üzrə təhsil alan tələbələr, magistrantlar və məzunlar
iştirak ediblər.
Festival
gənclərə texnologiya sahəsində baş verən dəyişiklikləri birbaşa bu istiqamətlərdə
çalışan mütəxəssislərdən öyrənmək, real iş təcrübəsi ilə tanış olmaq və gələcək
karyera yolları barədə daha aydın təsəvvür formalaşdırmaq imkanı verib.
İştirakçılar Bir ekosisteminin fəaliyyəti və yaratdığı imkanlarla yanaşı, “Süni
intellekt və datanın real biznes mühitində tətbiqi”, “Texnologiyanın gələcəyi və
süni intellektin peşələrə təsiri” kimi mövzular ətrafında fikir və təcrübələrlə
tanış olublar.
Festival
çərçivəsində Bir ekosisteminin müxtəlif istiqamətləri üzrə rəhbər nümayəndələri
– Aygün Musayeva, Maksim Evdokimov, Buğra Şen və Fariz Lətifov çıxış
ediblər. Sual-cavab sessiyasında iştirakçılar onları maraqlandıran məsələləri
spikerlərlə müzakirə edib, suallarına birbaşa cavab almaq imkanı qazanıblar.
Festivalın interaktiv və əyləncə dolu proqramı isə gün ərzində gənclərin ünsiyyət
qurmalarına, vaxtlarını maraqlı keçirmələrinə və yeni əlaqələr qurmalarına şərait
yaradıb.
Layihə
haqqında öz fikirlərini sosial şəbəkə hesabında paylaşan Bir ekosisteminin rəhbəri
Fərid Hüseynov “Spark”ın ildən-ilə böyüyərək daha çox gəncin öz uğur
hekayəsinə başladığı platformaya çevrilməsini hədəflədiyini vurğulayıb: “Gələcəyi
qurmaq sadəcə yeni texnologiya gətirmək deyil, ona ruh verən gənclər üçün doğru
mühit yaratmaqdır. “Spark’26” ilk tələbə-texnologiya festivalını da məhz bu məqsədlə
ərsəyə gətirdik. 1000-dən çox gəncimizin qatıldığı o coşqulu atmosferi görmək və
onların öyrənmək həvəsinə şahid olmaq mənim üçün çox gözəl hiss idi. Bir daha əmin
oldum ki, ölkəmizin texnoloji potensialını irəli aparacaq güclü gəncliyimiz
var”.
Bir tərəfindən
təşkil olunan “Spark ’26” layihəsinin davamlı olması, layihənin gələcəkdə ölkənin
ənənəvi illik texnologiya hərəkatına çevrilməsi nəzərdə tutulur.
Bir Azərbaycanda
fərdi və korporativ müştərilərin gündəlik xidmətlərdən istifadə davranışlarını
kökündən dəyişən, Qafqazın ilk tam inteqrasiya olunmuş rəqəmsal ekosistemidir.
Ölkənin aparıcı brendlərini – Birbank rəqəmsal mobil bankçılıq tətbiqi,
Birmarket e-ticarət platforması, Milliön ödəniş terminalları və m10 rəqəmsal
pul kisəsini özündə birləşdirərək 2025-ci ildə fəaliyyətə başlayan ekosistem
hazırda 5 milyondan çox müştəriyə xidmət göstərir. Geniş infrastruktur
imkanları, eləcə də Trendyol Azərbaycan və BakıKart-la qurulmuş strateji tərəfdaşlıqlar
sayəsində Bir Azərbaycanın ilk və ən irimiqyaslı rəqəmsal ekosisteminin əsasını
qoyur.
Daha ətraflı: bir.az
