Payız aylarında immun sisteminin normal fəaliyyətini qorumaq üçün balanslı qidalanmaq tövsiyə olunur. Bolqar bibəri, yağlı balıq, yumurta, turşuya qoyulmuş tərəvəzlər, qoz-fındıq və toxumlar faydalı qidalar sırasındadır.
Manset.az Baku.ws-ə istinadən xəbər verir ki, həkim-nevroloq Aleksey Mamatovun sözlərinə görə, immun sisteminin fəaliyyəti orqanizmin zülal, vitamin və minerallarla kifayət qədər təmin olunmasından asılıdır.
Həkim qeyd edib ki, immuniteti dəstəkləmək üçün yalnız bir məhsula güvənmək düzgün deyil. Müxtəlif qidalarla balanslı qidalanmaq, kifayət qədər yatmaq və fiziki aktiv olmaq sağlamlığın qorunmasında mühüm rol oynayır.
