Ukraynada hökumət islahatları çərçivəsində nazirliklərin sayı azaldıla bilər.
Manset.az “Qafqazinfo”ya istinadən xəbər verir ki, bu barədə Ukraynanın Baş naziri Denis Şmıqal danışıb.
“Hökumətin formatının dəyişdirilməsi istiqamətində iş aparırıq. Buraya əsas olaraq nazirliklərin sayının azaldılması daxildir. Dövlət qulluqçularının da sayını azaltmaq istəyirik”, - deyə Baş nazir qeyd edib.
Onun sözlərinə görə, nazirliklər dövlət siyasətini formalaşdıracaq az sayda çox yaxşı mütəxəssislərə sahib olmalıdırlar.
