Almaniya kansleri Olaf Şolz İsrailin beynəlxalq qanunlara hörmət etməli və humanitar yardımın Qəzzaya çatmasını təmin etməli olduğunu deyib.
Manset.az-ın xarici mediaya istinadən məlumatına görə, Şolz bunu Mesebergdə keçirilən Almaniya-Fransa Birgə Nazirlər Şurasının iclasından sonra Fransa prezidenti Emmanuel Makron ilə birgə mətbuat konfransında çıxış edərkən bildirib.
Yaxın Şərqdəki vəziyyəti böyük narahatlıqla izlədiklərini ifadə edən Scholz, HƏMAS-ın əlində hələ də 100-dən çox məhbus olduğunu, İsrail şəhərlərinə raketlər atıldığını və israillilərin təhlükəsiz olmadığını müdafiə edib.
Şolz, HƏMAS-dan bütün məhbusların dərhal azad edilməsini və uzunmüddətli atəşkəsin qəbul edilməsini istədiklərini, vasitəçi kimi çıxış edən Qətər, Misir və ABŞ ilə sıx əlaqədə olduqlarını və bu ölkələrə göstərdikləri səylərə görə təşəkkür edib.
Tərəflər arasında razılaşmanın gecikdiyinə diqqət çəkən Şolz, "Bunu açıq şəkildə deyim; İsrail öz hərəkətlərində beynəlxalq hüquqa hörmət etməlidir. (İsrail) humanitar yardımların Qəzzada əziyyət çəkən insanlara çatmasını təmin etməlidir. Lazımi yardımın çatmasını təmin etmək İsrail hökumətinin məsuliyyətindədir” deyib.
Əfsanə Rəcəb
Manşet.az
