Rusiya Prezidenti Vladimir Putin və Moskvada işgüzar səfərdə olan Ekvatorial Qvineya Respublikasının Prezidenti Teodoro Obianq Nguema Mbasoqo arasında danışıqlar sentyabrın 26-da Kremldə baş tutacaq.
Manset.az xəbər verir ki, bu barədə Kremlin mətbuat xidməti məlumat verib.
“Gündəliyə müxtəlif sahələrdə Rusiya-Ekvatogineya əlaqələrinin gələcək inkişafı perspektivləri, eləcə də aktual beynəlxalq və regional məsələlər daxildir”, - deyə məlumatda bildirilir.
Həmin gün Putin və Ekvatorial Qvineya prezidenti “Rusiya enerji həftəsi” Beynəlxalq Forumunun plenar iclasında çıxış edəcəklər.
