ABŞ-nin Prezidenti Co Bayden Kaliforniyada şiddətli yanğınlar səbəbindən İtaliyaya planlaşdırılan səfərini ləğv edib.
Manset.az xəbər verir ki, bu barədə Ağ Evin mətbuat katibi Karine Jan-Pyer hökumətin saytında dərc olunan məlumatda bildirib.
Bundan əvvəl dövlət başçısı Los-Ancelesə səfər edib, fövqəladə hallar xidmətlərinin nümayəndələri və yanğınsöndürənlərlə görüşüb.
Məlumata görə, bu axşam Los-Ancelesdən qayıtdıqdan və Kaliforniyada fövqəladə vəziyyət elan edildikdən sonra Prezident Bayden İtaliyaya qarşıdakı səfərini ləğv etmək qərarına gəlib.
Xatırladaq ki, yanvarın 8-də Bayden Kaliforniyada böyük fəlakət elan edib. Bu qərar Los-Ancelesin sakinlərinə federal yardım əldə etmək imkanı verəcək.
