ABŞ Prezidenti Donald Tramp, Ukrayna Prezidenti Vladimir Zelenskiyə telefon danışığında, ABŞ tərəfindən veriləcək uzaqmənzilli silahlarla Rusiya ərazisində dərin zərbələr endirilməsi imkanını təklif edib.
Manset.az xəbər verir ki, bu barədə “The Financial Times” məlumat yayıb.
Mənbələrin məlumatına görə, Tramp, Zelenskidən ABŞ-nin uzaqmənzilli silahlar təqdim edəcəyi təqdirdə, Rusiyanın dərinliklərindəki hərbi hədəfləri vurub-vura bilməyəcəyini soruşub. Zelenski isə "Əlbəttə, bizə silah versəniz, bunu edə bilərik" deyə cavab verib.
Tramp, Zelenskinin cavabını müsbət qarşılayaraq, bu strategiyanın "Rusiyaya ağrı hiss etdirəcəyini və Kremli danışıq masasına oturmağa məcbur edəcəyini" vurğulayıb.
Bundan əlavə, Qərb rəsmiləri də Ukraynanın Qərb tərəfdaşlarından uzaqmənzilli silahlar almaq istəyinin artdığını qeyd ediblər. Lakin, bu planın həyata keçirilməsi hələ qeyri-müəyyəndir və Ağ Ev ilə Ukrayna Prezident Aparatı məsələyə dair şərh verməyib.
