Bu gün İstanbulda İran və Qərb ölkələri arasında uzun müddətdir dayandırılmış nüvə danışıqları bərpa olunur.
Manset.az türk mediasına istinadən xəbər verir ki, görüş İran İslam Respublikasının Baş Konsulluğunda saat 09:30-da başlayacaq və xarici işlər nazirlərinin müavinləri səviyyəsində keçiriləcək.
İclasda İranla yanaşı, Böyük Britaniya, Fransa və Almaniyanın xarici işlər nazirlərinin yüksək vəzifəli nümayəndələri iştirak edəcəklər. Gözlənilir ki, bu kritik görüşdə nüvə fəaliyyətləri, sanksiyalar və digər mühüm məsələlər müzakirə ediləcək.
Mayın 16-da, E3 olaraq tanınan İranla nüvə sazişinin Avropa tərəfləri — İngiltərə, Fransa və Almaniya — İstanbulda xarici işlər nazirlərinin müavinləri səviyyəsində bir görüş keçiriblər. Tərəflər ABŞ və İran arasında davam edən danışıqların təkrarı barədə razılığa gəliblər.
