ABŞ Dövlət Departamenti, turist və biznes vizaları üçün 15.000 dollara qədər depozit tələb edən yeni pilot proqramını elan edib.
Manset.az xarici mediaya istinadən xəbər verir ki, proqram, uzun müddətli viza alan ölkələrdən gələn şəxsləri əhatə edəcək və 12 ay müddətinə sınaq olaraq həyata keçiriləcək. Zəmanət, viza sahibləri ABŞ-ni vaxtında tərk etdikdə geri qaytarılacaq.
Əlavə olaraq, ABŞ Xarici İşlər Nazirliyi, sosial media hesablarının paylaşılmasını tələb edən yeni qaydalar tətbiq edib. Bu sərt immiqrasiya siyasəti, Yaxın Şərq və Afrika ölkələrini daha çox təsir edəcək. ABŞ-yə gələn turistlərin sayında azalma gözlənilir və turizm sektoruna milyardlarla dollar zərər vurulacağı bildirilir.
