Avstraliyalı tədqiqatçılar 2019-cu ildə tapılan mirvari fosilinin 100 milyon yaşında olduğunu təsdiqləyiblər.
Manset.az xarici mediaya istinadən xəbər verir ki, 2019-cu ildə bir turist, Avstraliyanın Kvinslend ştatının Riçmond şəhərindəki Kronozavr Korner Muzeyinin paleontoloji qazıntı sahələrində, qədim mirvari qalığını tapmışdı. Muzeyin nəzarətində həyata keçirilən qazıntılar zamanı əldə edilən bu nadir tapıntı, uzun müddət tədqiqatçılar tərəfindən araşdırılıb.
Kvinslend Universitetinin paleontoloqu Qreqori Uebb, aparılan araşdırmaların nəticəsi olaraq, tapılan mirvari qalığının təqribən 100 milyon yaşında olduğunu açıqlayıb. Qalığın ölçüsü 2 santimetr enində və mərmərdən bir qədər böyükdür.
Fosilin tədqiqi başa çatdıqdan sonra, mirvari qalığı Kronozavr Korner Muzeyində ziyarətçilər üçün nümayiş etdirilib.
