65 il əvvəl Antarktidada yarığa düşərək yoxa çıxan britaniyalı tədqiqatçı Dennis "Tink" Bellin qalıqları əriyən buzlaqda tapılıb.
Manset.az xarici mediaya istinadla xəbər verir ki, Polşalı tədqiqatçılar tərəfindən aşkar edilən qalıqların Bellə aid olduğu ekspertizalarla təsdiqlənib. Bellin qardaşı David, tapıntı ilə bağlı: "Mən onu tapmaq ümidimi çoxdan kəsmişdim, bu inanılmazdır," – deyib.
Dennis Bell 1959-cu ildə, Antarktidada buzlaq araşdırması edərkən yarığa düşüb və həyatını itirib. Onun qalıqları, buzlaqların hərəkəti nəticəsində tapıldığı yerdən xeyli aralıda, King George adasında yerləşən Ekologiya Buzlağının ətəyində aşkarlanıb. David Bell, qardaşının qalıqlarının tapılmasını gözəl bir hadisə kimi dəyərləndirib.
