Çinin məşhur turizm məkanı sayılan Haynan adasında tropik “Kadziki” tufanı ilə bağlı təhlükəsizlik tədbirləri gücləndirilib.
Manset.az Lent.az-a istinadən xəbər verir ki, adadan 20 min nəfər təxliyə olunub.
İctimai nəqliyyatın fəaliyyəti dayandırılıb, obyektlər bağlanıb
Adada ictimai nəqliyyatın fəaliyyəti dayandırılıb, ticarət və əyləncə müəssisələri bağlanıb. Bundan əlavə, 30 mindən çox balıqçı gəmisi limanlara geri qayıdıb.
Xilasedicilər hazır vəziyyətdədir
Qeyd olunub ki, 2,8 mindən çox xilasedici mümkün fəsadların qarşısını almaq üçün hazır vəziyyətə gətirilib. Onlar ehtiyac yaranacağı təqdirdə dərhal əməliyyatlara başlaya biləcəklər.
Güclü külək yaxınlaşır
Meteoroloqların verdiyi məlumata əsasən, küləyin sürəti artıq 38 m/s-ə çatıb. Tufan Sanya şəhərindən təxminən 210 km məsafədədir və bazar günü günorta və ya axşam saatlarında adanı vuracağı gözlənilir.
