Hindistanın şimalındakı Himaçal-Pradeş ştatında yağan musson yağışları nəticəsində 303 nəfər həyatını itirib.
Manset.az xarici mediaya istinadən xəbər verir ki, iyunun 20-dən bəri baş verən güclü yağışlar nəticəsində daşqınlar, torpaq sürüşmələri və yol qəzaları kimi geniş miqyaslı fəlakətlər baş verib.
Bu hadisələr nəticəsində 155 nəfər daşqınlar və torpaq sürüşmələri səbəbindən, 148 nəfər isə leysan yağışları ilə əlaqədar yol qəzalarında həyatını itirib.
Himaçal-Pradeşdə musson yağışları son iki ayda ciddi dağıntılara səbəb olub. Ən çox zərər çəkən bölgələr Mandi və Kangra olub. Yerli səlahiyyətlilər sakinləri yüksək riskli ərazilərdən uzaq durmağa, ehtiyatlı olmağa və lazımsız səyahətlərdən çəkinməyə çağırıb. Rəsmi tövsiyələrə əməl etmək vacibdir.
