Finlandiyanın Baş Naziri Petteri Orpo ölkəsinin Ukraynaya təhlükəsizlik zəmanətləri çərçivəsində hərbi dəstək verəcəyini açıqlayıb.
Mansat.az xarici mediaya istinadən xəbər verir ki, o, Finlandiyanın Ukraynada üzərinə götürəcəyi konkret rolun parlamentdəki müzakirələrdən sonra müəyyən ediləcəyini bildirib.
Orpo Finlandiyada yayımlanan YLE Radiosuna verdiyi açıqlamada, Ukraynaya qoşun göndəriləcəyini, həmçinin Ukrayna ordusuna mütəmadi olaraq silah və təlim yardımı göndərildiyini vurğulayıb. O, Finlandiyanın həm siyasi, həm də hərbi cəhətdən müharibənin əvvəlindən bu prosesə cəlb olunduğunu qeyd edib.
Finlandiyanın Rusiya ilə qonşuluq vəziyyətindən dolayı Ukraynanın təhlükəsizliyinin təmin olunmasında hansı konkret rolu oynayacağını, ətraflı müzakirələrdən sonra parlamentin qərar verəcəyini söyləyib. "Fin qoşunlarının döyüşə göndərilməsi kiçik məsələ deyil" deyə əlavə edən Orpo, ölkəsinin Ukraynaya hava və ya dəniz qüvvələri şəklində məhdud yardım göstərə biləcəyini də açıqlayıb.
