"Borussiya Dortmund"un yeni transferi olan Jobe Bellinqhem, Bundesliqadakı debüt oyununda "Sent Pauli"yə qarşı oynayarkən səmərəsiz çıxış edərək fasilədə əvəzlənib.
Manset.az "Sky Sports"-a istinadən xəbər verir ki, İngiltərənin gənc futbolçusunun ailəsi oyunun sonunda tuneldə baş verən mübahisə ilə gündəmə gəlib.
Matçın sonunda Bellinqhemin atası Mark Bellinqhem, idman direktoru Sebastyan Kell və menecer Niko Kovac ilə mübahisə edərək oğlunun vaxtından əvvəl əvəzlənməsinə və komandanın ümumi çıxışına qəzəbini bildirib. Bellinqhem həmçinin, menecer Kovac ilə görüşmək istəsə də, bu təklifinə icazə verilməyib.
Hadisələrdən sonra, klub rəhbərliyi, belə vəziyyətlərin bir daha təkrarlanmaması üçün Bellinqhemin ailə üzvlərinin gələcəkdə soyunub-geyinmə otağına girişinin qadağan olunduğunu açıqlayıb.
Bu qərar, klubun daxili qaydalarına uyğun olaraq, oyunçuların və onların ailələrinin şəxsi həyatına daha çox diqqət yetirilməsini məqsəd qoyur.
