Venesuela Prezidenti Nikolas Maduro ABŞ Prezidenti Donald Trampın Karib dənizinə hərbi qüvvələr göndərməsi qərarına reaksiya verərək, ölkəsinin suverenliyini qoruyacaqlarını bildirib.
Manset.az xarici mediaya istinadən xəbər verir ki, Paytaxt Karakasda keçirilən hərbi tədbirdə çıxış edən Maduro, "Onların Venesuelaya girməsinin heç bir yolu yoxdur. Bu təhdidlər bizim gücümüzü artırır", – deyə vurğulayıb.
O, xalqı və orduyu ayıq-sayıq olmağa çağırıb və Kolumbiya ilə əməkdaşlığın gücləndiyini bildirib.
ABŞ tərəfi isə Trampın sərəncamı ilə Karibə döyüş gəmiləri və 4 min dəniz piyadası göndərib. ABŞ bu addımı narkotik kartelləri ilə mübarizə çərçivəsində atdığını açıqlayıb.
Maduro isə bildirib: “Heç bir imperiya Venesuelaya toxuna bilməz”.
