İndoneziyanın Cənubi Kalimantan əyalətindən havaya qalxdıqdan 8 dəqiqə sonra əlaqə kəsilən helikopterin qalıqları Borneo adasında tapılıb.
Manset.az xəbər verir ki, axtarış-xilasetmə qruplarının məlumatına görə, təyyarənin qalıqları aşkarlanandan sonra yaxınlıqda bir cəsəd tapılıb, lakin digər 7 nəfərin taleyi hələ də məlum deyil.
Helikopter, 1 sentyabr tarixində Mərkəzi Kalimantan əyalətinin Palanqkaraya şəhərindən havaya qalxıb və qısa müddət sonra hava idarəetmə mərkəzi ilə əlaqə kəsilib. Təyyarədə olan səkkiz nəfərdən biri ABŞ, biri Braziliya, biri Hindistan vətəndaşı olub. Axtarış işləri davam edir və xilasedicilər itkin düşən şəxsləri tapmaq üçün ərazidə intensiv axtarış aparırlar.
Hadisənin səbəbləri hələ məlum olmasa da, helikopterin qəzaya uğraması ilə bağlı təhqiqat işləri başlanılıb.
