Cənub-Şərqi Asiyada daşqın və torpaq sürüşmələrinə səbəb olan tropik fırtına nəticəsində ölənlərin sayı 600-ü keçib.
Manset.az bu barədə "Reuters"ə istinadən xəbər verir.
Məlumata görə, onminlərlə insan evlərini itirib, təbii fəlakət dörd milyondan çox insana təsir edib.
İndoneziyada 435 nəfər ölüb, 406 nəfər itkin düşüb. Ölkənin qərb bölgələrində 213 000 nəfər məcburi köçkün vəziyyətinə düşüb. Tailandda təbii fəlakətdən zərər çəkən 3 milyon insan arasında 170 nəfər ölüb, 100-dən çox insan yaralanıb. Malayziyada fəlakətlə bağlı üç ölüm hadisəsi qeydə alınıb və təxminən 19 000 insan müvəqqəti sığınacaqlardadır.
Daha bir siklon Şri-Lankada dağıntılara səbəb olub, burada 153 nəfər ölüb, 191 nəfər itkin düşüb və təxminən yarım milyon insan zərər çəkib.
