Ağ Evdən ABŞ Prezidenti Donald Trampın ürək-damar və qarın bölgəsi ilə bağlı MRT (Maqnit Rezonans Tomoqrafiyası) nəticələrinin tamamilə normal olduğu bildirilərək, sağlamlıq vəziyyətinin son dərəcə yaxşı olduğu açıqlanıb.
Manset.az xarici mediaya istinadən xəbər verir ki, Ağ Evdən ABŞ Prezidenti Donald Trampın cari sağlamlıq vəziyyəti ilə bağlı yeni açıqlama gəlib. Trampın həkimi Sean Barbabella tərəfindən verilən MRT nəticələrinin şərh edildiyi açıqlamada, həyata keçirilən taramanın profilaktik xarakter daşıdığı və mümkün olan sağlamlıq problemlərinin erkən mərhələdə aşkarlanması məqsədini daşıdığı vurğulanıb.
"Prezident Trampın ürək-damar sağlamlığı ilə bağlı görüntüləmə nəticələri tamamilə normaldır. Qan axışını əngəlləyən hər hansı bir damar daralması və ya ürək və böyük damarlarla əlaqədar hər hansı bir anomaliya aşkar edilməyib. Ürək kameraları normal ölçüdədir, damar divarları hamar və sağlam görünür və iltihab və ya qan laxtalanması ilə bağlı heç bir əlamət yoxdur. Ümumilikdə, kardiyovaskulyar sistemi son dərəcə sağlamdır", - deyə bildirilib.
