ABŞ-ın Florida ştatında Milad günü baş verən dəhşətli hadisə zamanı üç uşaq anası olan qadın Amerika futbolu oyunu zamanı televiziya pultu üstündə yaranan mübahisədən sonra odlu silahla törədilən hücum nəticəsində həyatını itirib.
Manset.az xarici mediaya istinadən xəbər verir ki, qadının 13 yaşlı qızı isə ağır vəziyyətdə xəstəxanaya yerləşdirilib.
Polk dairəsi şerif idarəsinin yaydığı məlumata görə, hadisə Milad günü evdə yayımlanan Milli Futbol Liqasına (NFL) aid Amerika futbolu oyunu zamanı qeydə alınıb. Bildirilir ki, spirtli içki qəbul etdiyi deyilən 47 yaşlı Ceyson Kenni oyunu izləmək üçün evin həyətyanı sahəsində yerləşən köməkçi tikilidə olub. Oyunun son dəqiqələrini izləmək məqsədilə evə qayıdan Kenni həyat yoldaşı Kristal Kenni ilə televiziya pultu üstündə mübahisə etməyə başlayıb.
