Pakistanın Baş Naziri Şahbaz Şərif ABŞ Prezidenti Donald Trampa təşəkkür edib.
Manset.az xarici mediaya istinadən xəbər verir ki, Şahbaz Şərifin təşəkkür etməsinin səbəbi diplomatik səylərə imkan yaratmaq üçün İranla razılaşdırılmış iki həftəlik atəşkəsin uzadılması tələblərini qəbul etməsidir.
Pakistanın Baş Naziri Şahbaz Şərif daimi sülh müqaviləsinin əldə ediləcəyinə ümid etdiyini bildirib.
O, bununla bağlı sosial media hesabında paylaşım edib: "Həm öz adımdan, həm də Pakistanın Silahlı Qüvvələrinin Baş Qərargah Rəisi Asim Munir adına diplomatik səylərin davam etməsinə imkan yaratmaq üçün İranla razılaşdırılmış atəşkəsin uzadılması tələblərimizi nəzakətlə qəbul edən Prezident Trampa dərin təşəkkürümü bildirirəm", - deyə qeyd edib.
