Ukrayna qüvvələri Rusiya tərəfindən ilhaq edilmiş Krım yarımadasının mərkəzi Simferopol şəhərində pilotsuz uçuş aparatları (PUA) hücumu həyata keçirib.
Manset.az xarici mediaya istinadən xəbər verir ki, hücumunda 3 nəfər həlak olub, bir PUA isə qatarına dəyərək 1 nəfərin ölümünə, 3 nəfərin isə yaralanmasına səbəb olub.
Rusiya tərəfindən təyin edilmiş Krım lideri Sergey Aksyonov bildirib ki, “Simferopoldakı qeyri-yaşayış obyektlərinə qarşı düşmən hücumu nəticəsində ilkin məlumata görə 3 nəfər həyatını itirib, 7 nəfər yaralanıb”.
O, həyatını itirənlərin ailələrinə dərin hüznlə başsağlığı verib və yaralılara tezliklə sağalma arzulayıb. Aksyonov əlavə edib ki, Krım Respublikası rəhbərliyi olaraq zərərçəkənlərə bütün mümkün yardım və dəstəyi göstərəcəklər.
