"Microsoft"un təsisçilərindən Bill Gates keçmişdə mühakimə olunmuş cinsi cinayətkar Jeffrey Epsteinlə əlaqələrinə dair aparılan araşdırma çərçivəsində ABŞ Nümayəndələr Məclisinin Nəzarət və İslahat Komitəsində ifadə verəcək.
Manset.az xarici mediaya istinadən xəbər verir ki, qapalı keçiriləcək iclas zamanı Gatesin Epstein ilə əlaqələri və yayımlanan Epstein sənədlərindəki qeydlər diqqətlə araşdırılacaq.
İclas zamanı konqresmenlərin Gatesə keçmiş əlaqələri ilə bağlı suallar verməsi gözlənilir. İclasın protokollarının daha sonra ictimaiyyətə təqdim olunacağı bildirilib.
Gatesin sözçüsü ifadə vermədən əvvəl "Guardian" qəzetinə açıqlamasında bildirib ki, Gates komitə qarşısında çıxış etmək imkanını məmnuniyyətlə qəbul edir. O, əlavə edib: “Gates Epsteinin qanunsuz fəaliyyətlərinin heç birinə şahid olmayıb və onlarda iştirak etməyib. Komitənin bütün suallarını cavablandıraraq aparılan vacib işə töhfə verməyi səbirsizliklə gözləyir”.
