İsrailin 2023-cü ilin oktyabrından bəri davam edən hücumlarında baş verən itkilərlə bağlı son məlumatlar açıqlanıb.
Manset.az-ın xarici mediaya istinadən məlumatına görə, İsrail ordusunun Qəzza müharibəsi çərçivəsində 2023-cü ilin oktyabr ayından bu yana Qəzza zolağına həyata keçirdiyi hücumlarda həlak olanların sayı 73 035 nəfərə yüksəlib.
Son 24 saat ərzində Qəzzadakı xəstəxanalara 3 nəfərin meyiti və 11 yaralının gətirildiyi qeyd olunub.
Məlumata görə, Qəzzada 10 oktyabr 2025-ci ildə qüvvəyə minən atəşkəsdən bu yana İsrail hücumları nəticəsində 1 024 nəfər həyatını itirib, 3 260 nəfər yaralanıb, dağıntılar altından isə 784 nəfərin meyiti çıxarılıb.
Ümumilikdə 2023-cü ilin oktyabrından bəri davam edən hücumlarda yaralıların sayı 173 368 nəfərə çatıb.
Qəzza zolağında dağıntılar altında hələ də minlərlə meyitin olduğu bildirilir.
