Ketrin, Uels şahzadəsi xərçənglə mübarizəyə dəstək məqsədilə keçirilən dözümlülük sınağını uğurla başa vurub.
Manset.az xarici mediaya istinadən xəbər verir ki, Böyük Britaniya taxtının varisi Uilyam, Uels şahzadəsinin həyat yoldaşı olan şahzadə Şotlandiya, İngiltərə və Uelsdə yerləşən ən yüksək zirvələrə qalxmağı nəzərdə tutan və 24 saat davam edən “Milli Üç Zirvə Çağırışı”nı uğurla tamamlayıb. Aksiya xərçəng xəstələrinin müalicəsinə və bu istiqamətdə həyata keçirilən fəaliyyətlərə vəsait toplanması məqsədi daşıyıb.
Şahzadə ümumilikdə 37 kilometr məsafə qət edib və 3 mindən artıq metr hündürlüyə qalxıb.
Şotlandiyada yerləşən Ben Nevis zirvəsində şəkil çəkdirən Ketrin sosial media hesabında paylaşdığı açıqlamada xərçəngin insan həyatına təsirindən bəhs edib.
“Xərçəng yalnız bədəni deyil, insanın düşüncə və hiss etmə tərzini də dəyişdirir, həyatın bütün sahələrinə dərin təsir göstərir.
‘Milli Üç Zirvə Çağırışı’na təkcə fiziki dözümlülük sınağı kimi deyil, diaqnozun hüdudlarından kənarda həyatı yenidən kəşf etmək və cəmiyyətə fayda vermək imkanı kimi qoşuldum”, – deyə şahzadə bildirib.
