"Godzilla vs. Kong" və "Godzilla x Kong: The New Empire" filmlərindəki rolları ilə tanınan 18 yaşlı gənc aktrisa Kayli Hottl yol-nəqliyyat hadisəsi nəticəsində həyatını itirib.
Manset.az xarici mediaya istinadən xəbər verir ki, kədərli xəbəri aktrisanın atası Coşua Hottl təsdiqləyib.
Eşitmə məhdudiyyətinə baxmayaraq, gənc yaşlarında aktyorluq sahəsində uğur qazanan Kayli Hottlun həyatına son qoyan yol-nəqliyyat hadisəsinin yüksək sürət səbəbindən baş verdiyi bildirilir.
TMZ nəşrinin yaydığı məlumata görə, ABŞ-nin Merilend ştatında baş verən qəza zamanı Kayli Hottlun olduğu 1995-ci il istehsalı olan Honda Accord markalı avtomobil yoldan çıxaraq xəndəyə aşıb.
