Türkiyənin Yalova vilayətində təlim uçuşu həyata keçirən F-16 qırıcı təyyarəsi qəzaya uğrayıb.
Manset.az Türkiyə mediasına istinadən xəbər verir ki, hadisə zamanı təyyarədə olan pilot özünü ataraq xilas olub.
Nazirliyin açıqlamasında bildirilib ki, pilot təyyarədən atılaraq sağ qalıb.
“Hərbi Hava Qüvvələrimizə məxsus bir F-16 təyyarəsi təlim uçuşu zamanı Yalovada qəzaya uğrayıb. Pilotumuz atılaraq xilas olub. Qəzanın səbəbi aparılacaq ətraflı araşdırmanın nəticəsində müəyyənləşdiriləcək”, – deyə nazirliyin açıqlamasında qeyd olunub.
Hadisənin başvermə səbəblərinin müəyyənləşdirilməsi üçün araşdırmaya başlanılıb.
