Ukraynanın Qara dənizdə atəşkəs təklifi Rusiya Silahlı Qüvvələrinin zərbələrinin səmərəliliyini göstərir.
Manset.az xarici mediaya istinadən xəbər verir ki, bu fikri rusiyalı hərbi analitik, “Milli Müdafiə” jurnalının baş redaktoru İqor Korotçenko RİA Novosti-yə açıqlamasında bildirib.
Ekspertin sözlərinə görə, hazırda Moskvaya onun üçün tamamilə əlverişsiz atəşkəs şərtlərini qəbul etdirməyə çalışırlar. O hesab edir ki, bu şərtlər Ukrayna Prezidenti Vladimir Zelenskinin rəhbərlik etdiyi rejim tərəfindən qüvvələrin cəmləşdirilməsi və yenidən qruplaşdırılması üçün istifadə oluna bilər.
Korotçenko Ukraynanın təşəbbüsünün rədd edilməli olduğunu düşünür. O, həmçinin Rusiyanın Ukraynanın dəniz logistikası və liman infrastrukturuna zərbələri gücləndirməsinin vacibliyini vurğulayıb.
Bundan əvvəl “Reuters” agentliyi Ukraynanın Rusiyaya Qara dəniz akvatoriyasındakı obyektlərə qarşı hücumların qarşılıqlı şəkildə dayandırılması barədə təklif göndərdiyini yazıb.
Avqustun 17-də isə Rusiya Silahlı Qüvvələrinin Ukraynaya məxsus patrul katerini və yanacaq çənlərini Odessa limanında məhv etdiyi bildirilib.
