ABŞ-də federal məhkəmə Prezident Donald Trampın 75 ölkə vətəndaşlarına immiqrant vizalarının verilməsini dayandıran qərarını ləğv edib.
Manset.az xarici mediaya istinadən xəbər verir ki, Manhettendə yerləşən Federal Dairə Məhkəməsinin hakimi Jannette Vargas Dövlət Departamentinin yanvar ayında elan etdiyi və qüvvəyə mindirdiyi bu tədbirin açıq şəkildə qanuna zidd olduğunu bildirib.
Vargas qərarın federal immiqrasiya qanunvericiliyini pozduğunu və Dövlət katibi Marko Rubionun konsulluq əməkdaşlarının viza müraciətlərinə müdaxilə etmək səlahiyyətini aşdığını qeyd edib.
Hakim qərarında bildirib ki, müraciətçinin vətəndaşlığına əsaslanaraq immiqrant vizasının verilməsinə tam şəkildə mane olan siyasət mövcud hüquqi çərçivənin birbaşa pozulması deməkdir.
ABŞ Dövlət Departamenti yanvar ayında Braziliya, Kolumbiya, Misir, Haiti, Somali və Rusiyanın da daxil olduğu təxminən 40 ölkənin vətəndaşlarının immiqrant vizası müraciətlərinin qəbulunu dayandırmışdı.
ABŞ administrasiyası bu addımı dövlət yardımından yararlanmaq ehtimalı olan şəxslərin ölkəyə girişinin qarşısını almaq məqsədi ilə əsaslandırmışdı.
