Fransada oktyabrın 17-də başlayan etiraz aksiyaları zamanı dağıntılar törətməkdə və talançılıqda şübhəli bilinən 149 nəfərin həbs olunduğu bildirilir.
Manset.az xarici mediaya istinadən xəbər verir ki, Paris, Lion, Lill və Nitsa şəhərlərinin müəyyən ərazilərində ötən gün tətbiq edilən qismən komendant saatının bu gün də davam etdirilməsi qərara alınıb.
Fransanın ədliyyə naziri Cerald Darmanen həftəsonu “Sarı jiletlilər”in etiraz aksiyaları zamanı zorakılıq hallarının baş verdiyi ölkənin şimalındakı Lill şəhərinə səfər edib. Nazir Lill Ədliyyə Məhkəməsində jurnalistlərə açıqlamasında etirazlar zamanı baş verən zorakılıq hallarına qarşı ədliyyə orqanlarının gördüyü tədbirlərdən məmnunluğunu ifadə edib.
