İran Xarici İşlər Nazirliyinin sözçüsü İsmayıl Bəqayi Məkkə İttifaqının üzvləri olan Səudiyyə Ərəbistanı, Pakistan və Türkiyədən yüksək vəzifəli şəxslərin Tehrana səfəri ilə bağlı açıqlama verib.
Manset.az-ın xarici mediaya istinadən məlumatına görə, İran Xarici İşlər Nazirliyinin sözçüsü Tehranda keçirdiyi həftəlik mətbuat konfransında jurnalistlərin suallarını cavablandırıb.
Bəqayi bildirib ki, “Tehran görüşü regionda təhlükəsizlik sisteminin formalaşmasına başlanğıc ola bilər”.
Region ölkələrinin öz təhlükəsizliklərini və sülhü təmin etmək məqsədilə regional təhlükəsizlik mexanizmləri yaratmağa çalışdıqlarını bildirən Bəqayi Məkkə İttifaqına üzv ölkələrin yüksək vəzifəli nümayəndələrinin Tehrana səfəri ilə bağlı fikirlərini bölüşüb.
O, Tehranda keçiriləcək görüşün regionda təhlükəsizlik sisteminin formalaşdırılması üçün başlanğıc ola biləcəyini vurğulayıb.
Bəqayi Səudiyyə Ərəbistanı, Pakistan və Türkiyədən olan yüksək vəzifəli şəxslərin İran rəsmiləri ilə keçirəcəkləri görüşdə İsrailin təcavüzkar fəaliyyəti, eləcə də Livan və Fələstindəki son hadisələrin müzakirə olunacağını bildirib.
